Les bredins

                                          Les bredins

    Laudédzo, y étin 6 bredins le 9 mârs ; ah bin non ! pramou qu’y avo 5 bredins apeu eune bredeune... ! I s’étin mi ensin pe cauzé du patouâs, du Tseu qu’i volan dère achteûre. Dacauze, bié seûr, d’la vatse biantse, d’la tseuvre, du ts’vau, etc...Stu Tseu, va bin falla l’écrire, tsertsi la grammaire apeu teus les mots que manquan. Y va pas s’fére en un dzo. Si tos les bredins( o les beurdins) s’y méttan, nos (les bredins) van p’tète bin en vouâ le bot.

   Cra-yi pas que le monde manque de bredins. Y a pas bié du temps, dz’en é trové yun enco pu bredin que nos !  Y é le noviau c’mandou des Gâs du Tsarolâs, Laurent Billoux, qu’é arri élevou de vatses biantses épi de motons, que trove le temps de fére dansi , pi tsanté le monde tôt en fayan son travail de paysan bio. Apeu enco d’appiéyi des bus davu son vouâzin é ami Michel Nioulou (qu’é davu nos dans le réseau ; ôl a pas pu v’ni le 9 mârs).

    Vos voyi bin ! Y a pu qu’eune soluchon : dev’ni bredin.... !!!

A voir : http://gasdutsarollais.free.fr/

Blog :http://attelage.bovins.en.charollais.over-blog.fr/

Comments

[Marie-Jeanne]

bondzo les bredins



m'a dze su arri pe "la cardzire" y soune bié , quand à la tsézire al va se rempier de fromadzes de tseuvres de montmelas et du ratsé !!



A ç'tés dzos

[Eric Condette]

Bon sâ les beurdins,



Dz'crâ arri qu'la "cardzire" pou nous adzuer à reuv'yi l' patois d' vé nous.



A ç'tés dzos.

[Olivier de Vaux]

Va pour la cardzire, y'est tot à fait çan ! On est déjà deux à l'employer. J'espère que les autres membres du Réseau vont se manifester bientôt, attirés par l'odeur des freûmâdzes de Tseu !

[le pays du tse]

A notés pieumes...!! Le cardzotronic, y é à cauze du numérique, bié cheur. Ma, dze crâ que dz'ain-mero meu la cardzire. La cardzire s'ro c'man la tsézire. Nos y randzero les mots, les phrases, les histouères c'man nos randze les fromadzes dans la tsézire. A Trambyi, le tsemin que monte u borg, ô s'appeule " le Cardze", p'tète bin le tsemin que meune à eune croizée de tsemins.

[Olivier de Vaux]

Bondzo, y'est pas les beurdins qu'manquant mas chtés qu'sant beurdins d'patoîs, is sant ptéte pas les pyus nombreux. Y'est peur qu'ô continue à vive çte foutu patoîs, que nos dvans nos batte. Dz'ai un bon' exempe à vos raconter. Quand nos ans dzué "Vés la Félicie" à Seuvgnon l'an derri, y'avot troîs ptiets gârs qu'avint dzamais causé patoîs ; is ant dzué la comédie en patoîs et dépeus, y s'mettant à causer patoîs davo les anciens du vlâdze. Y'est seûr, is fayant pas des grands discours, mas is djant quéques mots. Si nos leus fabriquins des mots p'leus-tés affûtiaux is srint bié contents d'les emplo*yer pyutôt qu'les mots franglais qu'is comprenant min*me pas. Ç't'an*née, p'la comédie mujicale, i'ant pas hésité eune cosse pe m'dère qu'i'étint d'accord pe dzuer en patoîs, pe tsanter en patoîs arri. Dz'cras bin qu'si nos oubyians atsopchon le mot "patoîs", si nos l'rempyéçans p'le mot "Tseu", si nos parlans du Pays du Tseu, des dzens du Tseu, des ptiets tseu, des vieux tseu, des tseu du Tsarolâs, de chtés du Brionnâs apeu de tos les autes tseu de France, de Suisse et d'Italie, nos vans don*ner eune impulchon novelle au parler d'nos-tés aïeux.

Seulment, les beurdins, faut vos rmuer l'derri, y va pas s'faire p'l'opérachon du Sant'Esprit. Dédza, faudrot cmenchi pe mette un commentaire su l'cardzotronic du père Lapalus. Allez, vain diou, à vos-tés pyeumes !